Von Erika Hugentobler-Lützelschwab, Magden
Mir vom Theaterverein mache vill für d Kultur, hinterlöhnd jedes Johr e grossi «Schpur», mit usbuechte Uffüehrige in der Mehrzwäckhalle.
D Freiliechttheater händ de Lüt bsunders gfalle. Ich find, mir möche vill für eusi Gmei, drum hälfed eus, gänd eus es neus Dehei!
Denn, euses Probelokal isch leider nit dr Hit, wills keis Fänschter, keis Wasser, keis WC und kei Heizig git.
Im Summer isch e Sauhitz, im Winter sauchalt,e richtig ungmüetliche Probe-Ruum halt!
I dr Hirsche-Schüüre im 1. Schtock dörfe mir probe, au alli Kulisse mache mir jewyls dört obe. Us Holz und ziemlich schteil isch d Schtäge, mängisch gföhrlich, die schwere Sache abezträge!
Über es neus Lokal würde mir eus sehr freue, d Gmei würd die «Inweschtition» nie bereue. Es würd de Junge euse Verein attraktiver mache, in ihne s Füür fürs Theater entfache.
Drum tue ich dä Läserbrief do drfür benütze, mi Wunsch: bitte tüent euse Verein unterschtütze! (Mi Wunsch han ich is Buech uf dr Gmei itrait.) Danke villmol und schöni Feschtdäg.
