Von Erika Hugentobler-Lützelschwab, Magden
Wele Irrsinn, wele Wahn?
Tagtäglich uf dr Autobahn.
Öb 2, 3 oder sogar 4 Schpure,
me chunnt bald niene me dure
und das trotz höche Energie-Prise
als Folg vonere Wirtschafts-Krise.
Vermehre duet sich d’Mönsche-Masse
Dänked dra: d’Landflächi cha sich nit apasse!
Und au d’Ressource wie Wasser und Energie
schränke langsam aber sicher alli i.
Überall hinterloht dr’Mönsch si Schpur.
Was bliebt eigentlich no übrig für d’Natur?
In Wald, Flur, i de Bärge, i dr’Luft, im Wasser
d’Verschmutzig wird überall immer krasser!
Und au s’«Food-Waste» dörf me nit vergässe
isch d’Datum abgloffe, cha me alles no lang ässe.
Au Chleider schtöhnt schients unter Druck vo dr’Zyt
wills sogar es Ablaufsdatum für Unterhose git!
Drum lueg was Du chaufsch, tue au verzichte
so chönnsch schpare und muesch nüt vernichte!
