Von Erika Hugentobler-Lützelschwab, Magden
Achtung! Achtung! Heisst’s jetz überall./ Schpare müend ihr uf jede Fall./ Dä Winter gäbs e Schtrommangellag./ Erwarte müess me das fascht jede Dag./ Denn immer meh brucht me dr Schtrom./ Für Autis und Wärmepumpe, es isch enorm./ Me betribt alles elektrisch und digital./ Drum isch e sone Schtrommangellag fatal./ Gas, Öl, die bis anhin fosslili Energi isch verpönt/ und schients au bald verbi, söll me jetz d Schtaumure höcher baue?/ Oder doch lieber dr Windchraft vertraue?/ Oder dr Schtrom witerhin us em AKW bezieh?/ D Zuekunft wird eus wahrschinlich säge, wie!/ Ich wünsch allne s Beschte fürs neue Johr,/ und hoff, die gfasste Vorsätz wärde alli wohr.
