Von Erika Hugentobler-Lützelschwab, Magden
Recycling isch hütt gross in Mode, Firme drfür schiesse wie Pilz us em Bode.Jede bringt alles was är nümm wott dört ane: vo Glas, Plastik bis Elektroschrott. Und das, wo me in Kehrichtsack ifüll, gäch denn no als Sondermüll. S Areal und d Löhn: Wer tuets finanziere? Au s Gsammlete muess me no abfüehre! Wohär chunnt eigentlich dr ganzi Schtutz, die Firme möches jo nit us Eigenutz? Im Internet cha me hütt alles ha, vom Disäiner-Chleid bis zum Pischama. Immer färner göhnd d Ichäufer go poschte, schliesslich dörf d War fascht nüt choschte. D Ichaufs-Läde si out, Zalando isch in, im glieferete Päckli isch alles drinn. Passt d War em Empänger nit, chan ärs retourniere, das tuet me verbrenne oder nach Afrika füehre.
Au fertiggschtellti Frässpäckli bschtellsch mit eme Klick, die Menü sige gsund und mache nit dick. Isch jo toll, wenn me sammlet und recycliert. Besser wär, wenn me gar nit so vill produziert. Us de Nachrichte muess me verneh, riesigi Kontainerschiff gäbs immer meh D Pirate häige sogar uf se gschosse villicht wärd dr Suez-Kanal bald gschlosse? Jetz müend si e längeri Route ums Cap Horn neh. Wird s ächt drum bald e Pryserhöchig geh? Weniger konsumiere isch mis Plädoyee, sö würds au weniger Abfall geh!
