Von Erika Hugentobler-Lützelschwab, Magden
Me holt dr Muni vo dr Matte
Är muess dr Holzbock go begatte.
S Someröhrli goht imene chüele Tank
mit em Auti ab in d Somebank.
Will e Buur jungi Chälbli produziere
chan är mit em Tierarzt telefoniere.
Weiss d Mängi, d Sorte, hesch sünscht no en Wunsch?
Ich lueg, dass Du dr richtig Some bechunnsch!
Dr Tierarzt lüpft dr Schwanz vo dr Chue
und bringt ihre eso dr Some zue.
Nach 9 Mönet bringt si es Chälbli zur Wält.
Aber oh weh, dr Buur brucht doch Gäld.
So tuet me s Chliene sofort vo dr Muetter trenne
Es muess inere chliene Box elei go penne
D Milch vo dr Muetter suggts ab em Gummipfropf
scho nach 22 Wuche schlachte si dä armi Tropf.
Und d Muetter liefered Milch „en masse“.
S Uter isch riesig, das isch jo so krass!
Drum muess dr Tierarzt Antibiotika schprütze
so cha me die Chue no länger benütze
Verbrucht isch die Chue nach 8-10 Johr
denn schtoht ihre dr Gang zum Schlachthof bevor.
Milchlieferant si isch scho schwer
Muetter si aber no vill mehr!
