Von Erika Hugentobler-Lützelschwab, Magden
Was lauft do uf eusem Ärdball ab?
D'Resource wärde jo langsam knapp.
Öb Lithium, Gold,Uran, Gas, Öl,Chole,
alles tuet me eifach usem Bode hole.
Und überall ligge riesigi Hüffe Schrott,
isch es das, was mein drZuekunft wott?
Für d'Umwält will me alles mit Schtrom betriebe,
so cha me Velos, Autis, und so witer neu vertriebe.
In China lohst's sich sehr billig produziere,
mit em Flugi oder Schiff billig transportiere.
Me merkt bald, das isch billigs Gschmeus,
doch will's billig isch, chauft me gli wieder Neus.
Me bringts zum recycle, das heisst: wieder verwärte
und us em Schrott sölle neue Teili wärde.
In Container wird alles zrugg nach China verschifft,
chas si, dass dört aber nit alles itrifft?
Denn wohär chunnt dä Müll-Teppich im Meer?
Und wer söll das alles entsorge, bitte sehr?
Drum lueg was Du chaufsch, loh Di berote
und hilf eso sänke d Abfall-Quote!
