Mit ein paar Worten des Dankes, möchte die Fasnachtsgruppe «diä voll G'schtopftä» auf die vergangene Fasnacht zurückblicken. fricktal.info lässt sie zu Wort kommen:
«Als Ständerlampe händ mir euses Süschee «jetzt wird’s HELLER» a de zwoi Umzüg dörfe präsentiere. It nur Kostüm naie isch dies Mol uf em Programm gstande, sondern au Lampeschirm baschtle. S hett sich eimol mehr glohnt – sind mir doch mit Komplimänt und liebä Wort belohnt worde. Unglaublich diä viele Zueschauer am Strosserand – mir händs mit euch allne gnosse! A derä Stell es härzlichs Dankschön dr FZR und de MGV, dr Gmei Meli und allne HälferInne vor und hinter de Kulisse – ohni euch wer d Fasnacht z Meli-Ryburg it i dem Rahme durchfüehrbar. «Wenn du glaubst, es geht nicht mehr, kommt von irgendwo ein Lichtlein her». In dem Sinn wünsche mir euch allne es erhellts Johr bis es im 2025 wieder heisst: Narri Narro! Diä voll G’schtopftä
Übrigens händ mir’s völlig verschwitzt, Föteli vo eus in der Nacht – wo d Lampeschirm so richtig schön glüchtet händ - z’mache. Setts also unter de Läserschaft Nachtschwärmer ha, wo eus bildlich igfange händ, denn mäldet euch doch gärn bi eus.»
Foto: zVg
