In jeder Bruscht schteckt es Härz /es schloht vor Freud, au bi Schmärz. / Es isch es muskulärs Hohlorgan / und dr wichtigscht Teil vo dr Bluetbahn. / Wie ne Pumpi tuets funktioniere / mit drucke und suuge tuets agiere.
Egal, was immer ich au tue / dä Muskel goht uf und zue. / Schtund für Schtund, Tag und Nacht / in 24 Schtund s 100 000 Schläg macht / Johr für Johr, das heisst, dass im Läbe vomene Mönsch, / ungefähr 3 Milliarde Schläg zelle chönnsch. / Unermüedlich pumpts dur d Gfäss Bluet / bis zu 10‘000 Liter pro Tag, was für e Fluet! / I dr Minute machts 60-80 Schläg / bim Schlofe und Joga wirds / au emol träg. / Schlohts aber unter 40 Mol / beschtoht Läbensgfohr, das isch nit toll. / Gseh ich e sympathische tolle Maa / schtuun ich, wie schnälls
chlopfe cha. / Mängmol gohts im gmächliche Takt / denn wieder schnäller, bim Liebesakt. / Han ich Angscht oder wird ich verschreckt / mis Härz «fascht i mine Hose schteckt». / Au Liebeschummer isch schlächt fürs Härz / dr Puls goht rasend und macht Schmärz. / Zu däm Thema mis Fazit: / Träg Sorg zu Dir und blib fit!
Erika Hugentobler-Lützelschwab, Magden
